(٢٢٤٤٩) حضرت ابو طفیل فرماتے ہیں کہ میں حضرت علی (رض) کی خدمت میں حاضر تھا، آپ کے پاس ایک شخص آیا اور عرض کیا، کیا آنحضرت (صلی اللہ علیہ وآلہ وسلم) نے آپ کو کچھ راز کی باتیں بتائی ہیں ؟ حضرت علی (رض) غصہ میں آگئے اور فرمایا کہ آنحضرت (صلی اللہ علیہ وآلہ وسلم) نے مجھ سے ایسی کوئی سرگوشی نہیں فرمائی جس کو لوگوں سے چھپایا ہو، سوائے اس کے کہ مجھے چار کلمات سکھلائے ہیں، اس نے عرض کی کیا وہ کون سے کلمات ہیں ؟ آپ (رض) نے فرمایا : اس پر اللہ کی لعنت جو والدین پر لعنت کرے، اور اس پر اللہ کی لعنت جو غیر اللہ کے نام پر ذبح کرے ، اس پر اللہ کی لعنت جو فسادی کو ٹھکانا دے، اور اس پر اللہ کی لعنت جو زمین کی ملکیت کو تبدیل کر دے۔