(٢٢٦١٩) حضرت عائشہ (رض) سے مروی ہے کہ جب حضرت ابوبکر صدیق (رض) کا مرض الوفات قریب آیا ، آپ نے فرمایا : میرے مال میں دیکھو خلافت میں آ نے کے بعد اس میں کتنا اضافہ ہوا ہے، اور وہ میرے بعد والے خلیفہ کو بھیج دو ، بیشک میں اس کو حلال سمجھتا تھا، جتنا مال میں نے تجارت میں کمایا ہے تقریباً اتنی ہی مالیت کے جانور بھی میرے پاس موجود ہیں۔ عائشہ (رض) فرماتی ہیں کہ جب ہم نے دیکھا تو ایک نوبی غلام (یعنی جس کی آنکھیں درست نہ ہوں اور وہ ٹھیک سے دیکھ بھی نہ سکتا ہو) تھا۔ جس نے اپنے بچے اٹھائے ہوئے تھے اور ایک اونٹنی تھی جس پر پانی لایا کرتے تھے۔ عائشہ (رض) فرماتی ہیں کہ ہم نے یہ سب عمر (رض) کی طرف بھیج دیا۔ عائشہ (رض) فرماتی ہیں کہ مجھے میرے دادا نے بتایا کہ عمر (رض) رو پڑے اور فرمایا کہ ابوبکر پر اللہ رحم فرمائے انھوں نے اپنے بعد میں آنے والوں کو مشقت میں ڈال دیا ہے۔