(٢٣٨٨٦) حضرت زید بن اسلم سے روایت ہے کہ ایک آدمی کو زخم لگ گیا پس خون منجمد ہوگیا۔ تو رسول اللہ (صلی اللہ علیہ وآلہ وسلم) نے اس کے لیے بنو انمار کے دو آدمیوں کو بلایا اور آپ (صلی اللہ علیہ وآلہ وسلم) نے فرمایا۔ ” تم میں سے کون بڑا طبیب ہے ؟ “ ایک آدمی نے پوچھا۔ یا رسول اللہ (صلی اللہ علیہ وآلہ وسلم) ! کیا طب میں بھی کوئی خیر ہے ؟ آپ (صلی اللہ علیہ وآلہ وسلم) نے ارشاد فرمایا : ” یقیناً جس ذات نے بیماری اتاری ہے اس نے دوائی بھی اتاری ہے۔ “