(٢٤٢٥٢) حضرت عمارہ بن عاصم عنزی سے روایت ہے، کہتے ہیں کہ میں حضرت انس بن مالک کی خدمت میں حاضر ہوا اور میں نے آپ سے نبیذ کے بارے میں سوال کیا ؟ انھوں نے جواباً ارشاد فرمایا : رسول اللہ (صلی اللہ علیہ وآلہ وسلم) نے دبار، مزفَّت سے منع فرمایا ہے۔ پس میں (عمارہ) نے حضرت انس بن مالک سے یہ سوال دوبارہ کیا تو انھوں نے فرمایا : رسول اللہ (صلی اللہ علیہ وآلہ وسلم) نے دباء اور مزفت سے منع فرمایا ہے۔ میں نے حضرت انس بن مالک سے یہ سوال دوہرایا تو انھوں نے پھر جواباً مزفت سے منع کیا ہے۔