(٢٤٢٧٣) حضرت سعید بن المسیب کہتے ہیں کہ میں نے حضرت عبداللہ بن عمر کو اس منبر۔۔۔حضرت سعید نے منبر رسول اللہ (صلی اللہ علیہ وآلہ وسلم) کی طرف اشارہ کیا ۔۔۔ پر کہتے سُنا کہ عبد القیس کا وفد جناب نبی کریم (صلی اللہ علیہ وآلہ وسلم) کی خدمت میں حاضر ہوا اور انھوں نے آپ (صلی اللہ علیہ وآلہ وسلم) سے مشروبات کے بارے میں سوال کیا ؟ تو آپ (صلی اللہ علیہ وآلہ وسلم) نے انھیں دبائ، نقیر اور حنتم سے منع فرمایا۔ میں نے پوچھا۔ اے ابو محمد ! مزفت (سے منع کیا تھا) ؟ ہمارا خیال یہ ہے کہ آپ اس کو بھول گئے تھے۔ تو انھوں نے جواباً فرمایا۔ میں نے اس دن کی حدیث میں یہ بات حضرت ابن عمر سے نہیں سُنی۔