(٢٤٥٣) حضرت محمد بن عمرو بن عطاء فرماتے ہیں کہ میں نے حضرت ابو حمید ساعدی کو دس اصحاب رسول (صلی اللہ علیہ وآلہ وسلم) کے ساتھ دیکھا۔ انھوں نے کہا کہ کیا میں تمہارے سامنے حضور (صلی اللہ علیہ وآلہ وسلم) کا طریقہ نماز نہ بیان کروں ؟ انھوں نے کہا ضرور بیان کریں۔ انھوں نے فرمایا کہ میں نے رسول اللہ (صلی اللہ علیہ وآلہ وسلم) کو دیکھا کہ آپ نے جب نماز شروع کرنے کے لیے تکبیر تحریمہ کہی تو ہاتھ اٹھائے، جب رکوع میں گئے تو ہاتھ اٹھائے، جب رکوع سے سر اٹھایا تو ہاتھ اٹھائے، پھر اتنی دیر کھڑے ہوئے کہ ہر ہڈی میں اعتدال آگیا پھر آپ سجدے کے لیے تکبیر کہتے ہوئے جھکتے چلے گئے۔