(٢٥٥٨١) حضرت ابن عباس سے روایت ہے۔ وہ کہتے ہیں کہ اہل کتاب اپنے بالوں کا سدل کیا کرتے تھے اور مشرکین اپنے سروں میں مانگ نکالا کرتے تھے۔ جن کاموں میں جناب نبی کریم (صلی اللہ علیہ وآلہ وسلم) کو کوئی حکم نہیں دیا جاتا تھا۔ ان کاموں میں آپ (صلی اللہ علیہ وآلہ وسلم) اہل کتاب کی موافقت کو پسند کرتے تھے۔ راوی کہتے ہیں۔ چنانچہ آپ (صلی اللہ علیہ وآلہ وسلم) نے اپنے سامنے والے بالوں کو سدل یعنی کھلا چھوڑا پھر اس کے بعد آپ (صلی اللہ علیہ وآلہ وسلم) نے مانگ نکالی۔