(٢٦٥٧٦) حضرت ابو جعفرخطمی فرماتے ہیں کہ رسول اللہ (صلی اللہ علیہ وآلہ وسلم) مسجد کی تعمیر کرانے میں مصروف تھے اور حضرت عبداللہ بن رواحہ یہ شعر پڑھ رہے تھے :
(ترجمہ) کامیاب ہوگیا جس نے مسجد بنانے کی محنت کی۔
رسول اللہ (صلی اللہ علیہ وآلہ وسلم) نے ارشاد فرمایا : تحقیق فلاح پا گیا جس نے مسجد بنانے کی کوشش کی۔
انھوں نے یہ مصرعہ پڑھا۔
(ترجمہ) وہ قرآن پڑھتا ہے کھڑے ہو کر اور بیٹھ کر۔
رسول اللہ (صلی اللہ علیہ وآلہ وسلم) نے ارشاد فرمایا : وہ قرآن کی تلاوت کرتا ہے کھڑے ہو کر اور بیٹھ کر ۔
اس موقع پر صحابہ مسجد کی تعمیر کر رہے تھے۔