(٢٧٠٤٤) حضرت ابو طلحہ فرماتے ہیں کہ حضرت انس بن مالک کوفہ تشریف لائے تو ہم لوگ ان کے پاس جمع ہوگئے۔ ہم نے عرض کی کہ آپ ہمیں رسول اللہ (صلی اللہ علیہ وآلہ وسلم) سے سنی ہوئی کوئی حدیث بیان کریں۔ آپ نے فرمایا کہ آپ (صلی اللہ علیہ وآلہ وسلم) فرماتے تھے : اے لوگو ! میرے پاس سے جاؤ، یہاں تک کہ ہم آپ (صلی اللہ علیہ وآلہ وسلم) کو انتہائی مجبور کردیتے پھر آپ (صلی اللہ علیہ وآلہ وسلم) فرماتے : جو میں جانتا ہوں اگر وہ بات تم جان لیتے تو تم زیادہ روتے اور تھوڑا ہنستے۔ اے لوگو ! میرے پاس سے چلے جاؤ تو ہم آپ کے پاس سے واپس لوٹ آئے۔