(٢٨٣٨٣) حضرت زہری فرماتے ہیں کہ حضرت سعید بن مسیب نے ارشاد فرمایا : قسامت کا جاہلیت میں رواج تھا پس نبی کریم (صلی اللہ علیہ وآلہ وسلم) نے انصار کے ایک مقتول کے بارے میں یہ طریقہ برقرار رکھا جو یہود کے کنویں میں پڑا ہوا پایا گیا تھا آپ نے فرمایا : پس رسول اللہ (صلی اللہ علیہ وآلہ وسلم) نے یہود سے ابتدا کی آپ (صلی اللہ علیہ وآلہ وسلم) نے انھیں پچاس قسموں کے اٹھانے کا مکلف بنایا تو یہود نے کہا : ہم ہرگز قسم نہیں اٹھائیں گے تو رسول اللہ (صلی اللہ علیہ وآلہ وسلم) نے انصار سے کہا : کیا تم لوگ قسم اٹھاؤ گے ؟ انصار نے بھی قسم اٹھانے سے انکار کردیا۔ پھر رسول اللہ (صلی اللہ علیہ وآلہ وسلم) نے اس کی دیت کا تاوان یہودیوں پر ڈالا اس لیے کہ وہ ان کے علاقہ میں قتل کیا گیا تھا۔