(٢٩٦٧١) حضرت ابوہریرہ فرماتے ہیں کہ رسول اللہ (صلی اللہ علیہ وآلہ وسلم) نے حمل ساقط کرنے کی دیت میں ایک غلام یا باندی کا فیصلہ فرمایا تو جس کے خلاف فیصلہ فرمایا تھا وہ کہنے لگا ! کیا ہم اس کی دیت ادا کریں جس نے نہ کچھ کھایا ہے نہ پیا ہے اور نہ ہی رویا ہے اور چلّایا ہے ! اور اس قسم کا خون تو رائیگاں جاتا ہے ! تو رسول اللہ (صلی اللہ علیہ وآلہ وسلم) نے فرمایا کہ یہ شخص تو کسی شاعر کے مثل بات کرتا ہے۔ بہرحال حمل ساقط کرنے کی دیت ایک غلام یا باندی ہے۔