(٢٩٧٤) حضرت علی بن شیبان کہتے ہیں کہ ہم ایک وفد کی صورت میں حضور (صلی اللہ علیہ وآلہ وسلم) کی خدمت میں حاضر ہوئے اور ہم نے آپ کے ہاتھ پر بیعت کی اور آپ کے ساتھ نماز پڑھی۔ دورانِ نماز آپ (صلی اللہ علیہ وآلہ وسلم) نے کن اکھیوں سے ایک آدمی کو دیکھا جس کی کمر رکوع اور سجدے میں سیدھی نہیں تھی۔ جب آپ (صلی اللہ علیہ وآلہ وسلم) نے نماز پوری کرلی تو فرمایا کہ اے مسلمانو کی جماعت ! اس شخص کی نماز نہیں ہوتی جس کی کمر رکوع اور سجدے میں سیدھی نہ ہو۔