(٢٩٩٤٨) حضرت عاصم بن حمید فرماتے ہیں کہ میں نے حضرت عائشہ سے پوچھا : رسول اللہ (صلی اللہ علیہ وآلہ وسلم) کن کلمات کے ساتھ رات کو قیام شروع فرماتے تھے ؟ حضرت عائشہ فرمانے لگیں : البتہ تحقیق تو نے مجھ سے ایسی چیز کے بارے میں سوال کیا ہے جس کا تجھ سے پہلے کسی نے بھی سوال نہیں کیا، پھر فرمایا : آپ (صلی اللہ علیہ وآلہ وسلم) دس مرتبہ تکبیر کہتے، اور دس مرتبہ حمد بیان کرتے، اور دس مرتبہ پاکی بیان کرتے، اور دس مرتبہ استغفار فرماتے، اور یوں دعا فرماتے :” اے اللہ ! تو میری مغفرت فرما، اور مجھے ہدایت عطا فرما، اور مجھے رزق عطا فرما، اور مجھے عافیت بخش دے۔ “ اور آپ (صلی اللہ علیہ وآلہ وسلم) قیامت کے دن جگہ کی تنگی سے بھی پناہ مانگتے تھے۔