(٣٠٢٦٦) حضرت محمد بن عبد الرحمن بن یزید فرماتے ہیں کہ میں حضرت عبداللہ بن مسعود کے ساتھ وقوف عرفہ کے اختتام پر منیٰ واپس لوٹا، تو آپ نے سات کنکریاں ماریں، آپ ہر کنکری کے ساتھ تکبیر پڑھتے تھے، اور پھر واوی میں اترے اور یوں دعا فرمائی، اے اللہ ! اس حج کو مقبول بنا دے اور گناہ کی بخشش فرما دے، پھر یوں ارشاد فرمایا : اس طرح میں نے دیکھا تھا جب آپ (صلی اللہ علیہ وآلہ وسلم) پر سورة بقرہ نازل ہوئی تو آپ (صلی اللہ علیہ وآلہ وسلم) نے ایسا کیا۔