(٣١٠٣٩) حضرت عباد بن میسرہ المنقری (رض) فرماتے ہیں کہ حضرت ابو قلابہ (رض) اور حضرت حسن (رض) دونوں بیٹھے تھے تو حضرت ابو قلابہ (رض) نے فرمایا : کہ حضرت ابو الدردائ (رض) نے ارشاد فرمایا ہے : جس شخص نے عصر کی نماز کو چھوڑ دیا یہاں تک کہ بغیر عذر کے اس نے نماز کو قضا کردیا تحقیق اس کے اعمال ضائع ہوگئے، راوی فرماتے ہیں ! حضرت حسن (رض) نے ارشاد فرمایا : رسول اللہ (صلی اللہ علیہ وآلہ وسلم) کا ارشاد ہے : جو شخص فرض نماز کو بغیر کسی عذر کے چھوڑ دے یہاں تک کہ اس کو قضا کر دے تو تحقیق اس کے اعمال ضائع ہوگئے۔