(٣١٠٥٢) حضرت سعید بن یسار (رض) فرماتے ہیں کہ حضرت عمر (رض) کو خبر پہنچی کہ شام میں ایک آدمی ہے جو دعویٰ کرتا ہے کہ یقیناً وہ مومن ہے۔ راوی فرماتے ہیں تو حضرت عمر (رض) نے تحریر لکھی کہ اس کو میرے پاس حاضر کرو چنانچہ وہ حضرت عمر (رض) کے پاس حاضر ہوا تو آپ (رض) نے فرمایا : تو ہی وہ شخص ہے جو دعویٰ کرتا ہے کہ تو مومن ہے ؟ اس نے کہا : جی ہاں ! کیا لوگ رسول اللہ (صلی اللہ علیہ وآلہ وسلم) کے زمانے میں تین قسم کے نہیں تھے ؟ مومن، منافق اور کافر، اللہ کی قسم میں کافر نہیں ہوں۔ اور نہ میں منافقت کرتا ہوں ۔ راوی کہتے ہیں : پس حضرت عمر (رض) نے اس سے فرمایا : اپنا ہاتھ کشادہ کر۔
حضرت ابن ادریس (رض) فرماتے ہیں : میں نے پوچھا : انھوں نے پسند کیا جو اس نے کہا ؟ راوی کہتے ہیں : ہاں ! انھوں نے پسند کیا جو اس نے کہا۔