(٣١٣١٨) ابن ابی ملیکہ فرماتے ہیں کہ میں حضرت عبداللہ بن زبیر (رض) کے قتل کے بعد حضرت اسمائ (رض) کے پاس حاضر ہوا، وہ فرمانے لگیں کہ مجھے یہ خبر پہنچی ہے کہ لوگوں نے عبداللہ کو الٹا کر کے سولی چڑھایا ہے، اور اس کے ساتھ ایک بلی کو بھی لٹکایا ہے، بخدا میں چاہتی ہوں کہ میری موت سے پہلے مجھے اس کی نعش دی جائے تو میں اس کو غسل دوں خوشبو لگاؤں، کفن دوں اور دفن کر دوں، کچھ ہی دیر بعد عبد الملک کا خط آگیا کہ ان کی نعش کو ان کے گھر والوں کے سپرد کردیا جائے، چنانچہ ان کو حضرت اسماء کے پاس لایا گیا ، انھوں نے ان کو غسل دیا ، خوشبو لگائی ، کفن دیا اور دفنا دیا۔