(٣١٦٠٧) محمد فرماتے ہیں کہ ایاس بن معاویہ کو ایک تہمت کی بناء پر گرفتار کرلیا گیا، انھوں نے مجھ سے فرمایا کہ حضرت حسن کے پاس جا کر پوچھو کہ اس حالت میں میرے لیے اپنے مال میں سے کچھ لینے کا کیا حکم ہے ؟ کہتے ہیں کہ میں حضرت حسن کے پاس گیا اور میں نے جا کر ان سے عرض کیا کہ آپ کے بھائی ایاس آپ کو سلام کہتے ہیں اور پوچھتے ہیں کہ میرے لیے اپنے مال میں اس حال میں تصرف کرنا کیسا ہے ؟ حضرت حسن نے فرمایا ان کا حکم مریض کے حکم کی طرح ہے، اس لیے ان کے لیے ایک تہائی سے زیادہ مال میں تصرف جائز نہیں۔