(٣٢٦١٥) حضرت جابر بن عبداللہ (رض) فرماتے ہیں کہ میں نبی کریم (صلی اللہ علیہ وآلہ وسلم) کے ساتھ ایک انصاری آدمی کی بیوی کے پاس گیا تو اس نے آپ (صلی اللہ علیہ وآلہ وسلم) کے لیے کھجور کی چھال سے بنی ہوئی دری بچھائی اور ہمارے لیے ایک بکری ذبح کی ۔ پھر رسول اللہ (صلی اللہ علیہ وآلہ وسلم) نے ارشاد فرمایا : ضرور بالضرور ایک آدمی داخل ہوگا جو اہل جنت میں سے ہوگا پس حضرت ابوبکر (رض) داخل ہوئے، پھر آپ (صلی اللہ علیہ وآلہ وسلم) نے فرمایا : ضرور بالضرور ایک آدمی داخل ہوگا جو اہل جنت میں سے ہوگا پس حضرت عمر (رض) داخل ہوئے۔ پھر آپ (صلی اللہ علیہ وآلہ وسلم) نے فرمایا : ضرور بالضرور ایک آدمی داخل ہوگا جو اہل جنت میں سے ہوگا۔ پھر فرمایا : اے اللہ ! اگر تو چاہے تو یہ آدمی علی کو بنا دے۔ پس حضرت علی (رض) داخل ہوئے۔