(٣٢٦٢٠) حضرت حسن (رض) فرماتے ہیں کہ ایک آدمی نے حضرت عمر (رض) کو یوں پکارا : اے لوگو میں سے بہترین شخص ! تو حضرت عمر (رض) نے فرمایا : یقیناً میں لوگوں میں سے سب سے بہتر نہیں ہوں۔ پھر اس آدمی نے کہا : اللہ کی قسم میں نے تو کبھی بھی آپ (رض) سے بہتر شخص نہیں دیکھا ! حضرت عمر (رض) نے فرمایا : کیا تو نے ابوبکر (رض) کو نہیں دیکھا ؟ اس نے کہا : نہیں ! آپ (رض) نے فرمایا : اگر تو کہتا : جی ہاں ! تو میں تجھے ضرور سزا دیتا ۔ راوی فرماتے ہیں کہ حضرت عمر (رض) نے فرمایا : ابوبکر کی زندگی کا ایک دن عمر کی ساری آل کے اعمال سے بہتر ہے۔