(٣٢٦٣٤) حضرت اسود بن ھلال (رض) فرماتے ہیں کہ ایک دیہاتی نے ان سے بیان کیا کہ میں ایک دن صبح کی نماز میں نبی کریم (صلی اللہ علیہ وآلہ وسلم) کے ساتھ حاضر تھا۔ پس آپ (صلی اللہ علیہ وآلہ وسلم) اپنے چہرے کے ساتھ لوگوں کی طرف متوجہ ہوئے اور فرمایا : میں نے گزشتہ رات اپنی امت کے لوگوں کو دیکھا کہ ان کا وزن کیا جا رہا ہے۔ پس ابوبکر (رض) کا وزن کیا گیا تو ان کا پلڑا بھاری ہوگیا۔ پھر عمر (رض) کا وزن کیا گیا تو ان کا پلڑا بھاری ہوگیا۔