(٣٢٦٦٧) حضرت سالم (رض) فرماتے ہیں کہ اہل نجران نے حضرت علی (رض) کی خدمت میں حاضر ہو کر درخواست کی : اے امیرالمؤمنین ! آپ (رض) کا اپنا ہاتھ سے حکم لکھنا اور اپنی زبان سے شفاعت کرنا احسان ہوگا۔ حضرت عمر (رض) نے ہمیں ہماری زمین سے نکال دیا تھا۔ آپ (رض) ہمیں واپس وہاں بھیج دیں۔ تو حضرت علی (رض) نے اسے فرمایا : تمہارے لیے ہلاکت ہو یقیناً حضرت عمر (رض) صحیح معاملہ پر قائم تھے۔ اور میں ہرگز اس چیز کو نہیں بدلوں گا جو حضرت عمر (رض) نے فیصلہ کیا تھا۔ حضرت اعمش (رض) نے فرمایا : پس وہ لوگ کہتے تھے۔ اگر ان کے دل میں حضرت عمر (رض) کے بارے میں تھوڑی سی بھی ناراضگی ہوتی تو وہ اس موقع سے ضرور فائدہ اٹھاتے۔