(٣٢٦٦٩) حضرت عروہ بن زبیر (رض) فرماتے ہیں کہ حضرت عائشہ (رض) نے ارشاد فرمایا : بلاشبہ جن بھی حضرت عمر (رض) کے شہید ہونے سے تین دن قبل رو پڑے اور یہ اشعار کہے : (ترجمہ) مدینہ منورہ میں شہید ہونے والے کی جدائی پر زمین اپنے عضاء نامی درخت کے ساتھ کانپ رہی ہے۔ اللہ تعالیٰ امیر المومنین حضرت عمر (رض) کو جزائے خیر عطا فرمائے اور ان کے جسم میں برکت عطا فرمائے۔ اگر کوئی سواری پر سوار ہو کر آپ کے کارناموں کو دہرانا چاہے تو ایسا نہیں کرسکتا۔ آپ کے فیصلے خوشوں کے پھل کی طرح عمدہ ہیں۔ مجھے اس بات کا ڈر ہے کہ ان کی وفات نیلی آنکھوں والے مکار درندے (ابولؤلؤ) کے ہاتھوں ہوگی۔