(٣٢٧٢٩) حضرت ام موسیٰ (رض) فرماتی ہیں کہ حضرت ام سلمہ (رض) نے ارشاد فرمایا : میں قسم اٹھاتی ہوں کہ حضرت علی (رض) لوگوں میں سب سے زیادہ رسول اللہ (صلی اللہ علیہ وآلہ وسلم) کے قریب تھے عہد کے اعتبار سے۔ آپ فرماتی ہیں۔ ہم لوگ رسول اللہ (صلی اللہ علیہ وآلہ وسلم) کی عیادت کر رہے تھے جس دن حضرت عائشہ (رض) کے گھر میں آپ (صلی اللہ علیہ وآلہ وسلم) کا وصال ہوا ۔ پس رسول اللہ (صلی اللہ علیہ وآلہ وسلم) صبح میں ہر تھوڑی دیر بعد بار بار فرماتے کہ علی (رض) آگیا ؟ آپ (رض) فرماتی ہیں۔ مجھے یہ گمان تھا کہ آپ (صلی اللہ علیہ وآلہ وسلم) نے ان کو کسی کام بھیجا ہے۔ پس وہ تھوڑی دیر میں آگئے تو ہم نے محسوس کیا کہ آپ (صلی اللہ علیہ وآلہ وسلم) کو ان سے کوئی کام ہے اس لیے ہم گھر سے نکل کر دروازے کے پاس بیٹھ گئے۔ پس ان سب میں دروازے کے سب سے زیادہ قریب میں تھی۔ آپ (صلی اللہ علیہ وآلہ وسلم) نے حضرت علی (رض) کو اپنی طرف متوجہ کیا اور ان سے سرگوشی فرماتے رہے۔ پھر اسی دن آپ (صلی اللہ علیہ وآلہ وسلم) کا وصال ہوگیا۔ تو آپ (رض) ہی سب سے زیادہ عہد کے اعتبار سے آپ (صلی اللہ علیہ وآلہ وسلم) کے قریب تھے۔