(٣٢٧٦٧) حضرت ام سلمہ (رض) فرماتی ہیں کہ ایک دن رسول اللہ (صلی اللہ علیہ وآلہ وسلم) میرے گھر میں میرے پاس تھے۔ کہ خادمہ نے آکر عرض کیا : حضرت علی (رض) اور حضرت فاطمہ (رض) دروازے پر ہیں۔ آپ (صلی اللہ علیہ وآلہ وسلم) نے فرمایا : میرے گھر والوں کے لیے جگہ بناؤ۔ پس میں گھر کے ایک کونے میں ہوگئی۔ تو حضرت علی (رض) ، حضرت فاطمہ (رض) ، حضرت حسن (رض) اور حضرت حسین (رض) تشریف لائے۔ پھر دونوں بچوں کو تو آپ (صلی اللہ علیہ وآلہ وسلم) نے اپنی گود میں بٹھا لیا ۔ اور اپنے ایک ہاتھ سے علی (رض) کو پکڑ کر اپنے سے چمٹا لیا اور دوسرے ہاتھ سے فاطمہ (رض) کو پکڑ کر اپنے سے چمٹا لیا اور ان کا بوسہ بھی لیا۔ اور ان سب پر اپنی کالی چادر ڈال دی۔ پھر ارشاد فرمایا : اے اللہ ! تیری طرف پناہ پکڑتے ہیں نہ کہ جہنم کی طرف میں اور میرے گھر والے ۔ حضرت ام سلمہ (رض) فرماتی ہیں۔ میں نے پکار کر کہا : اے اللہ کے رسول 5! میں بھی ؟ آپ (صلی اللہ علیہ وآلہ وسلم) نے فرمایا : تو بھی۔