(٣٢٧٨٤) حضرت عمران بن حصین (رض) فرماتے ہیں کہ رسول اللہ (صلی اللہ علیہ وآلہ وسلم) نے ایک لشکر بھیجا اور حضرت علی (رض) کو ان پر امیر مقرر کردیا۔ پس حضرت علی (رض) نے کچھ ایسا کام کیا جس کو لوگوں نے ناپسند کیا۔ تو رسول اللہ (صلی اللہ علیہ وآلہ وسلم) کے اصحاب میں سے چار لوگوں نے اس بات کا عہد کیا کہ وہ اس بات کو رسول اللہ (صلی اللہ علیہ وآلہ وسلم) کے سامنے ذکر کریں گے۔ اور یہ لوگ جب سفر سے واپس آگئے تو انھوں نے رسول اللہ (صلی اللہ علیہ وآلہ وسلم) کو بتلانے کا ارادہ کیا۔ پس انھوں نے آپ (صلی اللہ علیہ وآلہ وسلم) کو سلام کیا اور ان کی طرف دیکھا پھر لوگ اپنے کجاو وں کی طرف پلٹ گئے۔ راوی کہتے ہیں : کہ جب سارے لشکروا لے آگئے ۔ اور انھوں نے آپ (صلی اللہ علیہ وآلہ وسلم) سے سلام کرلیا تو ان چاروں میں سے ایک شخص کھڑا ہو کر کہنے لگا : اے اللہ کے رسول 5! آپ کی کیا رائے ہے علی (رض) کے بارے میں کہ انھوں نے یہ کام کیا ہے۔ تو رسول اللہ (صلی اللہ علیہ وآلہ وسلم) اس شخص کی طرف متوجہ ہوئے اس حال میں کہ آپ (صلی اللہ علیہ وآلہ وسلم) کے چہرے پر غصہ کے آثار نمایاں تھے۔ آپ (صلی اللہ علیہ وآلہ وسلم) نے فرمایا : تم لوگ علی (رض) سے کیا چاہتے ہو ؟ ! تم لوگ علی (رض) سے کیا چاہتے ہو ؟ ! علی مجھ سے ہیں اور میں علی (رض) سے ہوں اور علی میرے بعد ہر مومن کے دوست ہیں۔