(٣٢٧٨٩) حضرت علی بن علقمہ انماری (رض) فرماتے ہیں کہ حضرت علی (رض) نے ارشاد فرمایا : جب یہ آیت اتری ! اے ایمان والو ! جب تم لوگ رسول اللہ (صلی اللہ علیہ وآلہ وسلم) سے علیحدگی میں بات کرنا چاہو تو تم علیحدگی میں بات کرنے سے پہلے کچھ صدقہ پیش کرو۔ پس رسول اللہ (صلی اللہ علیہ وآلہ وسلم) نے مجھ سے ارشاد فرمایا : تمہاری کیا رائے ہے ؟ کیا ایک دینار میں کافی ہے ؟ میں نے عرض کیا : لوگ اتنے کی طاقت نہیں رکھتے۔ آپ (صلی اللہ علیہ وآلہ وسلم) نے پوچھا : تو کتنا ہونا چاہیے ؟ میں نے عرض کیا تھوڑے سے جَو مقرر کردیے جائیں ۔ آپ (صلی اللہ علیہ وآلہ وسلم) نے فرمایا : یقیناً یہ تو بہت ہی کم ہے۔ حضرت علی (رض) فرماتے ہیں۔ اتنے میں دوسری آیت اتری گئی : ترجمہ : کیا تم لوگ ڈر گئے اس بات سے کہ پیش کرو اپنی علیحدگی کی گفتگو سے پہلے صدقات ؟ الایۃ۔ آپ (رض) نے فرمایا : پس میری وجہ سے اللہ نے اس امت پر آسانی فرما دی۔