(٣٢٨٦٠) حضرت یعلی یعمری (رض) فرماتے ہیں کہ وہ رسول اللہ (صلی اللہ علیہ وآلہ وسلم) کے ساتھ کھانے کی دعوت میں جانے کے لیے نکلے ، تو راستہ میں حضرت حسین (رض) بچوں کے ساتھ کھیل رہے تھے۔ تو وہ لوگوں کے سامنے کھڑے ہوگئے پھر آپ (صلی اللہ علیہ وآلہ وسلم) نے اپنا ہاتھ بڑھایا تو بچہ نے ادھر ادھر بھاگنا شروع کردیا۔ اور رسول اللہ (صلی اللہ علیہ وآلہ وسلم) ہنستے رہے۔ پھر یہاں تک کہ آپ (صلی اللہ علیہ وآلہ وسلم) نے اس کو پکڑا اور اپنا ایک ہاتھ ان کی تھوڑی کے نیچے رکھا اور اپنا دوسرا ہاتھ ان کی گدی کے نیچے رکھا پھر رسول اللہ (صلی اللہ علیہ وآلہ وسلم) نے اپنا سر نیچے جھکا کر اپنے منہ کو ان کے منہ پر رکھ کر ان کا بوسہ لیا اور ارشاد فرمایا : حسین مجھ سے ہے اور میں حسین (رض) سے ہوں۔ اور حسین (رض) تمام نواسوں میں سب سے بہتر نواسے ہیں۔