(٣٢٩٠٧) حضرت اعمش (رض) فرماتے ہیں کہ حضرت حبہ بن جُوین (رض) نے ارشاد فرمایا : ہم لوگ حضرت علی (رض) کے پاس بیٹھے ہوئے تھے اتنے میں ہم نے حضرت عبداللہ بن مسعود (رض) کی کچھ باتوں کا ذکر کیا اور لوگ ان کی تعریف کرنے لگے اور کہا : اے امیر المؤمنین ! ہم نے کسی شخص کو بھی نہیں دیکھا جو حضرت عبداللہ بن مسعود (رض) سے زیادہ اچھے اخلاق والا، تعلیم میں نرمی کرنے والا، اور سب سے زیادہ تقوی والا، اور اچھی مجلسوں والا ہو، اس پر حضرت علی (رض) نے ارشاد فرمایا : میں تم لوگوں کو اللہ کی قسم دے کر پوچھتا ہوں کہ کیا تم یہ بات صدق دل سے کہہ رہے ہو ؟ لوگوں نے کہا : جی ہاں ! آپ (رض) نے فرمایا : اے اللہ ! بیشک میں تجھے گواہ بناتا ہوں کہ بلاشبہ میں بھی وہی بات کہتا ہوں جو ان لوگوں نے کہی۔ کہ وہ افضل ہیں۔