(٣٢٩٩٣) حضرت قیس (رض) فرماتے ہیں کہ رسول اللہ (صلی اللہ علیہ وآلہ وسلم) نے حضرت عبداللہ بن رواحہ (رض) سے ارشاد فرمایا : تم کیوں ہماری رکاب کو نہیں حرکت دیتے ؟ تو عبداللہ (رض) نے فرمایا : تحقیق میں نے اپنا شعر چھوڑ دیا۔ حضرت عمر بن خطاب (رض) نے فرمایا : سنو اور اطاعت کرو۔ پس آپ (رض) اترے اور اللہ کے نبی (صلی اللہ علیہ وآلہ وسلم) کی سواری کو ہانک رہے تھے اور یہ اشعار پڑھ رہے تھے۔
اے اللہ ! اگر آپ نہ ہوتے ہمیں ہدایت نہ ملتی،
اور نہ ہم صدقہ دیتے اور نہ ہم نماز پڑھتے،
پس تو ہم پر سکینہ ورحمت نازل فرما،
اور ہمارے قدموں کو ثبات عطا فرما اگر ہماری دشمن سے ملاقات ہوجائے۔
بیشک کافروں نے ہم پر سرکشی کی۔
اس پر رسول اللہ (صلی اللہ علیہ وآلہ وسلم) نے فرمایا : اے اللہ ! تو اس پر رحم فرما ۔ حضرت عمر (رض) نے فرمایا : جنت واجب ہوگئی۔