(٣٣٠٤٤) حضرت ابن عباس (رض) فرماتے ہیں کہ ایک دن رسول اللہ (صلی اللہ علیہ وآلہ وسلم) منبر پر بیٹھے۔ آپ (صلی اللہ علیہ وآلہ وسلم) نے چادر کو احرام کی سی حالت میں لیا ہوا تھا اور آپ (صلی اللہ علیہ وآلہ وسلم) نے اپنے سر پر کالی پٹی باندھی ہوئی تھی، آپ (صلی اللہ علیہ وآلہ وسلم) نے اللہ کی حمد و ثنا بیان کی پھر ارشاد فرمایا : اے لوگو ! تم لوگ زیادہ ہو اور انصار تھوڑے ہیں۔ یہاں تک کہ یہ کھانے میں نمک کی مقدار کے برابر ہوجائیں گے۔ پس جس شخص کو ان سے کوئی واسطہ پڑے تو اس کو چاہیے کہ وہ ان کی نیکیوں کو قبول کرے اور ان کی برائیوں سے درگزر کرے۔