(٣٣٥٦٩) حضرت جعفر (رض) کے والد فرماتے ہیں کہ جب حضرت عمر بن خطاب (رض) نے دیوان بنانے کا فیصلہ فرمایا : تو آپ (رض) نے لوگوں سے مشورہ طلب کیا اور پوچھا : کہ میں کس سے ابتدا کروں ؟ کسی نے کہا : آپ خود سے ابتدا کریں۔ آپ (رض) نے فرمایا : نہیں ! لیکن میں ابتدا کروں گا ان لوگوں سے جو رشتہ میں رسول اللہ (صلی اللہ علیہ وآلہ وسلم) سے زیادہ قریب تھے اور پھر جو ان کے بعد آپ (صلی اللہ علیہ وآلہ وسلم) کے قریب تھے۔ پس آپ (رض) نے ان سے ابتدا فرمائی۔