(٣٣٦٥٠) حضرت مالک بن اوس الحدثان (رض) فرماتے ہیں کہ حضرت عمر (رض) نے ارشاد فرمایا : بنو نضیر کا مال جو اللہ نے رسول اللہ (صلی اللہ علیہ وآلہ وسلم) کو عطا فرمایا تھا۔ وہ مسلمانوں کو بغیر قتال کے حاصل ہوا اس میں قتال کی ضرورت نہیں پڑی۔ اور یہ مال نبی کریم (صلی اللہ علیہ وآلہ وسلم) کے ساتھ خاص تھا۔ آپ (صلی اللہ علیہ وآلہ وسلم) اس میں اپنے سال کا خرچہ روک لیتے تھے۔ اور جو باقی بچتا تھا آپ (صلی اللہ علیہ وآلہ وسلم) اس کو گھوڑے اور اسلحہ کے لیے خاص فرما دیتے ان کو اللہ کے راستہ میں استعمال کرنے کی تیاری کے سلسلہ میں۔