(٣٣٦٧١) حضرت ابو المنیہ (رض) فرماتے ہیں کہ اہل یمامہ میں سے ایک آدمی نے اللہ کے راستہ میں گھوڑے کی وصیت کی۔ پس میرا چچا زاد آگیا تو میں نے اس شخص سے کہا اس پر میرے بھائی کو سوار کردو۔ اس لیے کہ میرا بھائی نیک آدمی ہے۔ اس نے کہا : میں حضرت حسن بصری (رض) سے پوچھ لوں۔ اس نے حضرت حسن بصری (رض) سے پوچھا ؟ انھوں نے فرمایا : اس پر اس آدمی کو سوار کردو اور اس بارے میں تم بالکل پچھتاوا مت کرنا۔ راوی کہتے ہیں : میں نے حضرت حسن بصری (رض) سے پوچھا : اگر وہ اس کا ضرورت مند ہو ؟ آپ (رض) نے فرمایا : کہ اس کو لشکر میں سے کسی کے ہاتھ فروخت کردو۔ اور اس کو ان غلاموں میں سے کسی کو مت دو ۔ ان میں سے کوئی اسے اپنے گھر والوں کے خرچ کے لیے چھوڑ دے گا۔