(٣٣٧٥٢) حضرت ابو حیان (رض) فرماتے ہیں کہ مدینہ منورہ کے ایک شیخ نے فرمایا : کہ میرے اور حضرت عبید اللہ کے کاتب کے درمیان دوستی اور جان پہچان تھی۔ میں نے اس کی طرف خط لکھا کہ وہ مجھے حضرت عبداللہ بن ابی اوفی (رض) کا وہ خط لکھ دے جس میں انھوں نے فرمایا : کہ رسول اللہ (صلی اللہ علیہ وآلہ وسلم) کا ارشاد ہے کہ تم دشمن سے ملاقات کا سوال مت کرو ۔ اور جب تمہاری دشمن سے ملاقات ہوجائے تو صبر کرو، اور جان لو کہ بیشک جنت تلواروں کے سائے کے نیچے ہے۔ اور آپ (صلی اللہ علیہ وآلہ وسلم) انتظار فرماتے تھے ۔ جب سورج ڈھل جاتا تو آپ (صلی اللہ علیہ وآلہ وسلم) دشمن پر حملہ فرما دیتے ۔