(٣٣٧٩٠) حضرت انس بن مالک (رض) فرماتے ہیں کہ میں اپنے ساتھیوں کا توشہ دان اٹھاتا تھا اور جب ہمیں اللہ کے راستہ میں بھیجا جاتا تھا تو ہم لوگ مدینہ کے قریب قیام کرتے تھے۔ یہاں تک کہ رسول اللہ (صلی اللہ علیہ وآلہ وسلم) ہمارے پاس تشریف لاتے۔ اور فرماتے : اللہ کے نام کے ساتھ، اللہ کے راستہ میں چلو۔۔۔ اللہ کے راستہ میں اللہ کے دشمنوں سے قتال کرنا۔ بہت زیادہ بوڑھے کو قتل مت کرنا۔ نہ ہی چھوٹے بچوں کو ، اور نہ ہی عورت کو، اور نہ ہی خیانت کرنا۔