(٣٣٧٩٣) حضرت یحییٰ بن سعید (رض) فرماتے ہیں کہ مجھے بیان کیا گیا کہ حضرت ابوبکر (رض) نے شام کی طرف لشکر بھیجے۔ آپ (رض) نکلے اور یزید بن ابو سفیان کے پیچھے چل رہے تھے۔ آپ (رض) نے فرمایا : یقیناً میں تمہیں دس باتوں کی وصیت کرتا ہوں : تم بچوں کو ہرگز قتل مت کرنا، بچوں کو نہ ہی عورتوں کو اور نہ بہت ہی بوڑھیوں کو، اور تم پھلدار درخت مت کاٹنا۔ اور ہرگز آباد زمین کو برباد مت کرنا۔ اور ہرگز بکری اور گائے کو ذبح مت کرنا مگر صرف کھانے کے لیے۔ اور ہرگز کھجور کے درخت کو اوپر سری سے مت کاٹنا اور نہ ہی اس کو جلانا، اور نہ ہی خیانت کرنا، اور نہ ہی بزدلی دکھانا۔