(٣٣٨٣٢) حضرت سعد بن منذر (رض) فرماتے ہیں کہ رسول اللہ (صلی اللہ علیہ وآلہ وسلم) احد پہاڑ کی طرف نکلے جب آپ (صلی اللہ علیہ وآلہ وسلم) نے وداع کی گھاٹیوں کو پیچھے چھوڑا تو آپ (صلی اللہ علیہ وآلہ وسلم) نے اپنے نیچے دیکھا تو وہاں بہت اسلحہ والی جماعت تھی۔ آپ (صلی اللہ علیہ وآلہ وسلم) نے پوچھا : یہ کون لوگ ہیں ؟ صحابہ (رض) نے عرض کیا : عبداللہ بن ابی بن سلول اور اس کے یہودی دوست۔ آپ (صلی اللہ علیہ وآلہ وسلم) نے پوچھا : کیا انھوں نے اسلام قبول کرلیا ؟ صحابہ (رض) نے عرض کیا : نہیں ! آپ (صلی اللہ علیہ وآلہ وسلم) نے فرمایا : بیشک ہم مشرکین کے خلاف کفار سے مدد طلب نہیں کرتے۔