(٣٤٠٠٣) حضرت ابو مرزوق (رض) فرماتے ہیں کہ ہم حضرت رو یفع بن ثابت انصاری (رض) کے ساتھ مغرب کی طرف جہاد میں شریک ہوئے، پھر ہم نے ایک جگہ فتح کی جس کا نام جربہ تھا۔ حضرت رو یفع (رض) خطبہ دینے کے لیے کھڑے ہوئے اور فرمایا : میں تمہارے سامنے وہی بات کروں گا جو میں نے رسول اکرم (صلی اللہ علیہ وآلہ وسلم) سے سنی جو حضور اقدس (صلی اللہ علیہ وآلہ وسلم) نے خیبر کے دن ہم سے فرمایا تھا کہ : جو اللہ پر اور آخرت پر یقین رکھتا ہو، اس کو چاہیے کہ تقسیم غنیمت سے قبل اس کو فروخت نہ کرے۔