(٣٤٥٨٤) حضرت ابو اسحاق (رض) سے مروی ہے کہ حضرت عبداللہ بن عتبہ (رض) اور ایک ہمدانی شخص کا ایک بات پر اختلاف ہوگیا کہ ہمدانی نے کہا کہ حضرت ابوبکر (رض) حضور اقدس (صلی اللہ علیہ وآلہ وسلم) سے بڑے تھے، حضرت عبداللہ (رض) نے فرمایا کہ نہیں بلکہ رسول اکرم (صلی اللہ علیہ وآلہ وسلم) ابوبکر سے بڑے تھے حضور اقدس (صلی اللہ علیہ وآلہ وسلم) کی وفات تریسٹھ سال کی عمر میں ہوئی۔ اور حضرت ابوبکر (رض) کی وفات تریسٹھ سال کی عمر میں ہوئی۔ حضرت عامر بن سعد البجلی (رض) نے فرمایا کہ میں تمہارے درمیان فیصلہ کرتا ہوں، مجھ سے حضرت جریر بن عبداللہ (رض) نے بیان کیا کہ وہ حضرت معاویہ (رض) کے پاس تھے، حضرت معاویہ (رض) نے فرمایا : حضور اقدس (صلی اللہ علیہ وآلہ وسلم) کی وفات تریسٹھ سال کی عمر میں ہوئی حضرت ابوبکر (رض) کی وفات تریسٹھ سال کی عمر میں ہوئی اور حضرت عمر (رض) تریسٹھ سال کی عمر میں شہید ہوئے اور میری عمر آج ستاون سال ہے۔