(٣٤٧٤) حضرت عمرو بن سلمہ کہتے ہیں جب ہماری قوم نبی پاک (صلی اللہ علیہ وآلہ وسلم) کے پاس سے واپس آئی تو انھوں نے کہا رسول اللہ (صلی اللہ علیہ وآلہ وسلم) نے ہم سے فرمایا کہ تم میں قرآن کی سب سے زیادہ تلاوت کرنے والا تمہاری امامت کرائے۔ چنانچہ انھوں نے مجھے بلایا اور مجھے رکوع سجدہ سکھایا۔ میں انھیں نماز پڑھاتا تھا اور میرے اوپر ایک پھٹی ہوئی چادر ہوتی تھی۔ وہ میرے والد سے کہا کرتے تھے کہ کیا تم اپنے بیٹے کی سرین ڈھک نہیں سکتے ؟ !