(٣٥٤٥٠) حضرت یحییٰ بن جعدہ کہتے ہیں : رسول اللہ (صلی اللہ علیہ وآلہ وسلم) کے چند صحابہ کرام حضرت خباب (رض) کی عیادت کے لیے تشریف لے گئے تو ان سے کہا : اے ابو عبداللہ خوشخبری لیجئے کہ آپ (روز قیامت) حضور (صلی اللہ علیہ وآلہ وسلم) کے پاس حوض کوثر پر تشریف لے جائیں گے۔ (یہ سن کر) حضرت خباب (رض) نے فرمایا : یہ کیسے ہوسکتا ہے ، جب کہ میرے گھر کی یہ شان و شوکت ہے، حالانکہ رسول اللہ (صلی اللہ علیہ وآلہ وسلم) نے ہمیں (آگاہ کرتے ہوئے) فرمایا تھا : تمہارے لیے دنیا میں سے اتنا حصہ کافی ہے جتنا ایک مسافر کا توشہ ہوتا ہے۔