(٣٥٤٨٩) حضرت حسن سے روایت ہے وہ کہتے ہیں کہ جناب نبی کریم (صلی اللہ علیہ وآلہ وسلم) کو (اللہ کی) عبادت اس طرح سے مصروف کرتی کہ جب آپ (صلی اللہ علیہ وآلہ وسلم) لوگوں کے پاس تشریف لاتے تو گویا آپ (صلی اللہ علیہ وآلہ وسلم) بہت پرانے مشکیزہ کی طرح ہوتے، آپ (صلی اللہ علیہ وآلہ وسلم) تمام لوگوں میں سب سے زیادہ خوبصورت تھے۔ چنانچہ عرض کیا گیا یا رسول اللہ 5! کیا یہ بات نہیں کہ اللہ تعالیٰ نے آپ کو معاف کردیا ہے ؟ آپ (صلی اللہ علیہ وآلہ وسلم) نے فرمایا : تو کیا میں شکر کرنے والا بندہ نہ بنوں۔