(٣٥٥١٥) حضرت ابن عمر (رض) سے روایت ہے کہ جناب رسول اللہ 5، حضرت فاطمہ (رض) کے ہاں تشریف لائے۔ آپ (صلی اللہ علیہ وآلہ وسلم) نے ان کے دروازہ پر پردہ ڈلا ہوا دیکھا۔ تو آپ (صلی اللہ علیہ وآلہ وسلم) اندر تشریف نہیں لائے۔ راوی کہتے ہیں آپ (صلی اللہ علیہ وآلہ وسلم) تشریف لاتے تو بہت کم ایسا ہوا ہے کہ آپ (صلی اللہ علیہ وآلہ وسلم) حضرت فاطمہ کے ہاں پہلے نہ آتے۔ چنانچہ حضرت علی (جب گھر) تشریف لائے تو انھوں نے حضرت فاطمہ کو فکر مند اور مغموم دیکھا تو پوچھا تمہیں کیا ہوا ہے ؟ انھوں نے جواب دیا۔ جناب رسول اللہ (صلی اللہ علیہ وآلہ وسلم) میری طرف تشریف لائے لیکن میرے پاس اندر تشریف نہیں لائے۔ اس پر حضرت علی (رض) آپ (صلی اللہ علیہ وآلہ وسلم) کی خدمت میں حاضر ہوئے اور عرض کیا۔ یا رسول اللہ 5! حضرت فاطمہ پر آپ (صلی اللہ علیہ وآلہ وسلم) کا یہ عمل بہت بھاری گزرا ہے کہ آپ ان کی طرف تشریف لائے اور آپ ان کے پاس اندر داخل نہیں ہوئے ؟ آپ (صلی اللہ علیہ وآلہ وسلم) نے فرمایا : ” میں اور دنیا کیسے ؟ “ یا فرمایا ” میں اور نقش ونگار کیسے ؟ “ راوی کہتے ہیں پس حضرت علی (رض) حضرت فاطمہ (رض) کے پاس چلے گئے اور انھیں جناب رسول اللہ (صلی اللہ علیہ وآلہ وسلم) کی بات بتادی۔ حضرت فاطمہ (رض) نے فرمایا : آپ رسول اللہ (صلی اللہ علیہ وآلہ وسلم) سے پوچھیں کہ آپ مجھے کیا حکم دیتے ہیں ؟ آپ (صلی اللہ علیہ وآلہ وسلم) نے فرمایا : تم فاطمہ (رض) سے کہو اس کو چاہیے کہ وہ اس کو بنو فلاں کے پاس بھیج دے۔