٣٥٦٤٢) حضرت عمرو بن مرہ، حضرت ابوصالح ۔۔۔ جو حضرت علی کی بیٹی حضرت ام کلثوم (رض) کی خدمت کرتے تھے ۔۔۔ سے روایت کرتے ہیں کہ انھوں نے فرمایا : میں حضرت ام کلثوم کے پاس حاضر ہوا وہ کنگھی کررہی تھیں۔ چنانچہ میں بیٹھ کر ان کا انتظار کرنے لگا یہاں تک کہ انھوں نے مجھے اجازت دی۔ حضرت حسن اور حضرت حسین (رض) تشریف لائے۔ جبکہ وہ کنگھی کررہی تھیں۔ انھوں نے پوچھا : کیا تم نے ابوصالح کو کھانا نہیں کھلایا ؟ حضرت ام کلثوم نے فرمایا : کیوں نہیں۔ راوی کہتے ہیں پھر انھوں نے ایک پیالہ نکالا جس میں شوربہ میں دانے ڈالے ہوئے تھے۔ میں نے کہا : تم لوگ امراء ہو اور مجھے یہ کھانا کھلاتے ہو ؟ اس پر حضرت ام کلثوم نے فرمایا : اے ابوصالح ! اگر تم امیر المومنین کو دیکھ لو تو پھر تم کیسے ہو ؟ مالٹے لائے گئے تو حضرت حسن یا حضرت حسین ان سے مالٹا لینے لگے تو حضرت علی (رض) نے ان کے ہاتھ سے مالٹا چھین لیا پھر تقسیم کرنے کا کہا چنانچہ وہ تقسیم کردیا گیا۔