(٣٦٨٩٦) حضرت عبد الرحمن بن کعب بن مالک فرماتے ہیں کہ جب میرے والد کی بینائی زائل ہوگئی تو میں انھیں لے کر جمعہ کی نماز کے لیے جایا کرتا تھا۔ جب وہ جمعہ کی اذان سنتے تو ابو امامہ اسعد بن زرارہ کے لیے استغفار کرتے اور دعا کرتے۔ میں نے ان سے پوچھا کہ اے ابا جان ! جمعہ کے دن آپ ابو امامہ کے لیے دعا اور استغفار کیوں کرتے ہیں ؟ انھوں نے فرمایا بیٹا ! حضور (صلی اللہ علیہ وآلہ وسلم) کے (مدینہ منورہ کی طرف) تشریف لانے سے پہلے سب سے پہلے انھوں نے ہی ہمیں جمعہ کی نماز بنو بیاضہ کے چشمے اور چراگاہ کے پاس پڑھائی تھی۔ میں نے پوچھا کہ اس وقت آپ کتنے آدمی تھے ؟ انھوں نے فرمایا کہ اس وقت ہم چالیس آدمی تھے۔