(٣٧١٧٤) حضرت عمرو بن مرہ کہتے ہیں کہ سب سے پہلے پہرے داروں کی شرط حضرت عمرو بن عاص نے لگائی۔ جب وہ مرض الوفات میں مبتلا ہوئے تو انھوں نے اپنے پہرے داروں کے لیے پیغام بھجوایا کہ اپنا اسلحہ اور حفاظتی سامان لے کر میرے پاس آجاؤ۔ جب وہ آگئے تو حضرت عمرو نے فرمایا کہ کیا تم اس بات کی طاقت رکھتے ہو کہ مجھ سے اس چیز کو دور کرسکو جس کا میں شکار ہونے لگا ہوں یعنی موت کا اور میں نے تمہیں اسی دن کے لیے تو مقرر کیا تھا۔ انھوں نے کہا سبحان اللہ ! آپ یہ بات فرما رہے ہیں حالانکہ رسول اللہ (صلی اللہ علیہ وآلہ وسلم) آپ سے مشورہ لیتے تھے اور آپ کو لشکروں کا نگران بناتے تھے۔ انھوں نے فرمایا کہ تمہیں کیا معلوم ؟ کیا پتہ رسول اللہ (صلی اللہ علیہ وآلہ وسلم) میرا دل رکھنے کے لیے ایسا کرتے ہوں۔