(٣٧٣٣٦) حضرت عمیر بن انس بیان کرتے ہیں کہ مجھے میرے انصاری چچاؤں نے جو آپ (صلی اللہ علیہ وآلہ وسلم) کے صحابہ میں سے تھے۔ بیان کیا کہ ہم پر شوال کا چاند (بادل وغیرہ کی وجہ سے) چھپا رہ گیا اور ہم نے صبح کو روزہ رکھ لیا۔ آخر دن کو سواروں کی ایک جماعت آئی اور اس نے نبی پاک (صلی اللہ علیہ وآلہ وسلم) کی خدمت میں حاضر ہو کر گواہی دی کہ انھوں نے کل چاند دیکھا تھا۔ تو نبی پاک (صلی اللہ علیہ وآلہ وسلم) نے لوگوں کو افطار کرنے کا حکم دیا اور دوسرے دن عید کے لیے نکلنے کا حکم دیا۔
اور (امام) ابوحنیفہ کا قول یہ ذکر کیا گیا ہے کہ : دوسرے دن لوگ عید کو نہیں نکلیں گے۔