(٣٧٣٥٩) حضرت ابن عمر بیان فرماتے ہیں کہ مجھے احد کے دن نبی پاک (صلی اللہ علیہ وآلہ وسلم) کی خدمت میں پیش کیا گیا۔ میں اس وقت چودہ سال کا تھا۔ آپ (صلی اللہ علیہ وآلہ وسلم) نے مجھے چھوٹا سمجھا اور مجھے آپ (صلی اللہ علیہ وآلہ وسلم) کی خدمت میں خندق کے دن پیش کیا گیا۔ میری عمر اس وقت پندرہ سال تھی۔ تو آپ (صلی اللہ علیہ وآلہ وسلم) نے مجھے اجازت دے دی۔ حضرت نافع فرماتے ہیں کہ میں نے یہ حدیث عمر بن عبد العزیز کو بیان کی۔ راوی کہتے ہیں : انھوں نے فرمایا : یہی چھوٹے بڑے میں حد ہے۔ راوی کہتے ہیں کہ انھوں نے اپنے گورنروں کو لکھا کہ پندرہ سال والے کو مقاتلین میں شمار کرو اور چودہ سال والے کو بچوں میں شمار کرو۔
اور (امام) ابوحنیفہ کا قول یہ ذکر کیا گیا ہے کہ لڑکی پر اٹھارہ سال یا سترہ سال تک پہنچنے تک کچھ بھی (لازم) نہیں ہے۔