(٣٧٤٠٦) حضرت ابن عباس نبی کریم (صلی اللہ علیہ وآلہ وسلم) سے روایت کرتے ہیں کہ ایک آدمی اپنے اونٹ سے گر کر مرگیا تو آپ (صلی اللہ علیہ وآلہ وسلم) نے ارشاد فرمایا : تم اس کو پانی اور بیری کے ساتھ غسل دو اور اس کو اس کے (انہی) دو کپڑوں میں کفنا دو اور اس کے سر کو نہ ڈھانپو۔ کیونکہ اللہ تعالیٰ اس کو بروز قیامت تلبیہ کہنے کی حالت میں اٹھائیں گے۔
اور (امام) ابوحنیفہ کا قول یہ ذکر کیا گیا ہے کہ : اس کا سر ڈھانپ دیا جائے گا۔